Ўзбекистонда хусусий бизнес ва тадбиркорликни қўллаб-қувватлаш, йирик саноат объектлари ва қўшма корхоналарни ривожлантириш учун қулай ишбилармонлик муҳити яратилган. Айниқса, сўнгги йилларда ушбу соҳанинг ҳуқуқий асосларини такомиллаштириш борасида қабул қилинган қонун ҳужжатлари, маҳаллий тадбиркорлар ва хорижий инвесторларга бир қатор берилаётган имтиёзлар, замонавий имкониятларни ишга солиб, юқори сифатли хизмат турларини ташкил этиш, маҳсулотлар ишлаб чиқариш кўламини кенгайтиришда муҳим омил бўлмоқда.
Бизнинг компаниямиз ҳам Ўзбекистон Республикаси Президенти ҳурматли Шавкат Миромонович Мирзиёев томонидан Янги Ўзбекистонни қуриш йўлидаги кенг кўламли ислоҳотларни, Ўзбекистон тараққиётини қатъий қўллаб-қувватлайди ва қўшма лойиҳаларни амалга ошириш учун барча саъйҳаракатларни сарфлашга тайёр. Биз энг яхши халқаро тажриба ва замонавий ускуналарни ҳамда вақт синовидан ўтган юқори сифатни таклиф этамиз.

Жаҳон амалиёти шуни кўрсатадики, ҳар қандай мамлакатда ишбилармонлик муҳити ривожланишининг энг муҳим кўрсаткичи кўп жиҳатдан субъектив бўлган таҳлилий институтларнинг турли рейтинглари ва шарҳлари эмас, балки иқтисодиётнинг реал секторига жалб қилинган хорижий инвестициялар ҳажми ҳисобланади. Ахир ҳеч бир тадбиркор пулларининг хавфсизлиги ва қайтиб келишига амин бўлмаган жойга сармоя қилмайди. Бугунги кунда Ўзбекистон хорижий сармоядорлар билан ишлаш борасида етакчилардан бирига айланди. Бу ерда йирик хорижий инвесторлар ва компаниялар иш олиб бормоқда. Чехия Республикасидаги тажрибамдан шуни ишонч билан айтишим мумкинки, Ўзбекистон қонунчилиги хорижий шерикларни ишончли ҳимоя қилади ва турли мамлакатлар компаниялари ўртасида халқаро ҳамкорликни янада ривожлантириш учун муҳим имтиёзлар беради.

Радован Тихавски
Компанияси бошқарувчи директори

Mine Construction Alliance s.r.o